فرمان الہی
نماز کے اوقات
پاکستان پیپلز پارٹی کے چیئرمین بلاول بھٹو زرداری نے ولید محلے میں عباسی خاندان کی رہائش گاہ کوٹ داراب خان عباسی پہنچ کر ڈاکٹر صفدر عباسی سے ان کے بھائی حاجی منور عباسی کے انتقال پر تعزیت کا اظہار کیا۔
چیئرمین بلاول بھٹو زرداری نے حاجی منور عباسی کے صاحبزادوں منور عباسی اور کاظم عباسی سے بھی ان کے والد حاجی منور عباسی کے انتقال پر تعزیت کا اظہار کیا۔
چیئرمین بلاول بھٹو زرداری نے مرحوم حاجی منور علی عباسی کے بلندی درجات کے لئے دعا اور فاتحہ خوانی کی۔
اس موقع پر انہوں نے عباسی فیملی کے افراد سے گفتگو کرتے ہوئے کہا کہ وہ حاجی منور عباسی کی جدائی کے دکھ میں ان کے ساتھ شریک ہیں۔
چیئرمین بلاول بھٹو زرداری کے ہمراہ ان کے سیاسی مشیر اور پی ایس 11 لاڑکانہ کے ضمنی انتخابات میں پی پی امیدوار جمیل احمد سومرو بھی موجود تھے۔
اس موقع پر پی پی سندھ کے صدر نثار احمد کھوڑو، رکن سندھ اسمبلی سہیل انور سیال اور میئر لاڑکانہ خیر محمد شیخ اُن کے ہمراہ تھے۔
