فرمان الہی
نماز کے اوقات
وفاقی وزیر برائے خارجہ امور شاہ محمود قریشی کا کہنا ہے کہ منفی سوچ کی وجہ سے بھارت خطے کے ممالک سے دور ہوتا چلا جا رہا ہے، بھارت بے نقاب ہو رہا ہے اور ہر محاذ پر شکست ہو رہی ہے ۔
شاہ محمود قر یشی کی گور نر پنجاب چوہدر ی محمد سرور سے ملاقات ہوئی، اس دوران شاہ محمود قر یشی اور محمد سرور نے مسئلہ کشمیر، حکومتی وسیاسی امور سمیت ایشوز پر بات چیت کی۔
گورنرپنجاب نے مسئلہ کشمیر پر یورپی و بر طانوی اراکین پارلیمنٹ سے رابطوں کا شاہ محمود قریشی کو آگاہ کیا جس پر وزیرخارجہ کی جانب سے گورنر پنجاب کو مسئلہ کشمیر اجاگر کر نےپر سراہا گیا ۔
چوہردری محمد سرور سے ملاقات کے دوران شاہ محمود قریش کا کہنا تھا کہ وزیراعظم عمران خان کی قیادت میں پاکستان دنیامیں کشمیر یوں کامقدمہ لڑ رہا ہے اور پاکستان اپنے کشمیری بہن بھائیوں کے ساتھ کھڑا ہے۔
گور نر پنجاب چوہدر ی محمد سرور نے اظہار خیال کرتے ہوئے کہا کہ بھارت کشمیر میں دنیا کی سب سے بڑی ریاستی دہشت گردی کر رہا ہے، مسئلہ کشمیر پر یورپی اور بر طانوی اراکین پار لیمنٹ سے رابطے میں ہوں۔
انہوں نے مزید کہا کہ یورپی پارلیمنٹ کے نائب صدر فابیو کشمیر پر پاکستانی مؤقف کے ساتھ کھڑے ہیں۔
