• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: بارش کے دوران مختلف حادثات میں بچے سمیت 3 افراد جاں بحق

تازہ ترین
قومی خبریں
26 جولائی ، 2020


کراچی میں حالیہ بارش کے دوران کرنٹ لگنے اور مختلف واقعات میں بچے سمیت 3 افراد جاں بحق ہوگئے ہیں۔

شہر قائد میں آج بادل جم کر برسے اور جل تھل ہوگیا جبکہ نشیبی علاقے زیرِ آب آگئے۔

سڑکیں اور گلیاں تالاب کا منظر پیش کرنے لگیں، متعدد گاڑیاں بارش کے پانی میں پھنس گئیں۔

کراچی: گرج چمک کیساتھ موسلادھار بارش

کراچی کے مختلف علاقوں میں تیز بارش ، شاہراہوں پر پانی جمع ہوگیا ، شارع فیصل، گلستان جوہر، ملیر، گلشن اقبال، لانڈھی، کورنگی میں موسلا دھار بارش ، سرجانی ٹاؤن، آئی آئی چندریگر روڈ، صدر اور اولڈ سٹی ایریا میں بھی بادل برسے ، نالوں کی صفائی نہ ہونے سے کئی علاقوں میں گندا پانی سڑکوں پر آگیا ۔

اسی کے ساتھ ساتھ شہر میں کرنٹ لگنے اور دیگر واقعات بھی پیش آئے جس میں ایک بچے سمیت 3 افراد جاں بحق ہوگئے۔

پولیس کے مطابق گلشن حدید فیز 2 میں کرنٹ لگنے سے ایک بچہ جاں بحق ہوا۔

پولیس حکام کے مطابق لانڈھی کے علاقے قذافی ٹاؤن میں کرنٹ لگنے سے 22 سالہ نوجوان جاں بحق ہوا جبکہ گارڈن فوارہ چوک کے قریب گھر میں کرنٹ لگنے سے ایک شخص جاں بحق ہوگیا۔

تازہ ترین