فرمان الہی
نماز کے اوقات
گورنر سندھ عمران اسماعیل سے میئر کراچی اور میئرحیدرآباد نے ملاقات کی اور انہیں حالیہ بارشوں سے پیدا شدہ صورتحال پر بریفنگ دی۔
میئر کراچی وسیم اختر نے اس موقع پر کہا کہ وفاق کراچی کی صورتحال کا نوٹس لے۔
میئر کراچی نے کہا کہ فنڈز کی کمی کی وجہ سے بارش کی تباہ کاریوں سے نمٹنا مشکل ہے۔
میئر حیدرآباد طیب حسین نے بھی گورنر سندھ کو شہر کےحالات پر تفصیلی بریفنگ دی اور کہا کہ شہر کےمختلف علاقوں میں گندگی کے ڈھیر لگے ہوئے ہیں، بلدیہ عظمٰی حیدرآباد کے پاس فنڈز کی شدید کمی ہے۔
میئر حیدرآباد نے مزید کہا کہ حیدرآباد میں مختلف اسکیمیں تعطل کا شکار ہیں۔ بارش سے پیدا ہونے والی صورتحال سے نمٹنا بھی مشکل ہوگیا ہے۔
اس موقع پر میئرکراچی و حیدرآباد سے بات چیت کرتے ہوئے گورنر سندھ نے کہا کہ وفاقی حکومت صوبے کے حالات سے بخوبی واقف ہے، کراچی کو اکیلا نہیں چھوڑیں گے۔
گورنر سندھ عمران اسماعیل کا مزید کہنا تھا کہ وفاقی حکومت کی حیدرآباد کے حالات پر بھی نظر ہے۔ وزیراعظم سے بات کرکے آئندہ بارشوں کے لیےجامع حکمت عملی تیار کریں گے۔
