پاکستان کرکٹ بورڈ نے بجٹ 21-2020 کا بریک ڈاؤن جاری کردیا

پاکستان کرکٹ بورڈ (پی سی بی) نے بجٹ 21-2020 کا بریک ڈاؤن جاری کردیا ہے۔

اس حوالے سے جاری دستاویزات کے مطابق پی سی بی رواں مالی سال میں انٹرنیشنل کرکٹ سے زیادہ پاکستان سپر لیگ (پی ایس ایل) پر خرچ کرے گا۔

پی سی بی نے پی ایس ایل کے لیے 1 ارب 47 کروڑ 41  لاکھ روپے سے زائد رقم مختص کیے ہیں۔

پی سی بی نے شائقین کو مزید ایک کروڑ روپے سے زائد رقم لوٹا دی

پہلے ہفتے میں دو کروڑ70 لاکھ65 ہزار500 روپے جبکہ دوسرے ہفتے میں ایک کروڑ18 لاکھ ایک ہزار300 روپے کی ٹکٹیں واپس ہوئیں۔

اس کے علاوہ انٹرنیشنل کرکٹ کے لیے 1 ارب 44 کروڑ 71  لاکھ روپے سے زائد رقم رکھی گئی ہے۔

دستاویز کے مطابق ہائی پرفارمنس سینٹرز کے لیے 1 ارب81 کروڑ 14 لاکھ 43 ہزار روپے رکھے گئے ہیں۔

ایک ارب 34 کروڑ 35 لاکھ 88 ہزار روپے ہیومن ریسورسز پر خرچ ہوں گے۔

دستاویز کے مطابق ویمن کرکٹ پر 41 کروڑ روپے، ڈس ایبل کرکٹ پر 3 کروڑ 95 لاکھ روپےخرچ ہوں گے۔

آئندہ مالی سال کے لیے 7 ارب 76 کروڑ 85 لاکھ سے زائد بجٹ کی منظوری پی سی بی گورننگ بورڈ نے دی تھی۔