آپ آف لائن ہیں
اتوار2؍صفر المظفّر 1442ھ 20؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہم ان کو لائے راہ پر مذاق ہی مذاق میں

عنایت علی خاں

ہم ان کو لائے راہ پر مذاق ہی مذاق میں

بنے پھر ان کے ہم سفر مذاق ہی مذاق میں

پڑے رہے پھر ان کے گھر مذاق ہی مذاق میں

مزے سے ہو گئی بسر مذاق ہی مذاق میں

ہوا ہے جدے میں جو اک مزاحیہ مشاعرہ

ہم آ گئے خدا کے گھر مذاق ہی مذاق میں

لطیفہ گوئی کا جو رات چل پڑا تھا سلسلہ

ابل پڑے کئی گٹر مذاق ہی مذاق میں

اٹھو کہ اب نماز فجر کے لیے وضو کریں

کہ رات تو گئی گزر مذاق ہی مذاق میں

یہاں عنایتؔ آپ کو مشاعروں کی داد نے

چڑھا دیا ہے بانس پر مذاق ہی مذاق میں