آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

صفائی و ستھرائی کے ادارے نے عید پر صفائی پلان تیار کرلیا

صفائی و ستھرائی کے ادارے ڈبلیو ایس ایس پی (WSSP )نے عیدالاضحی پر صفائی کا پلان تیار کرلیا۔

صفائی و ستھرائی کے ادارے ڈبلیو ایس ایس پی کے مطابق رواں سال عیدالاضحی پر 2775 اہلکار صفائی آپریشن میں حصہ لیں گے، 535 گاڑیوں کے ذریعے شہر سے آلائشیں اُٹھائی جائیں گی۔

ڈبلیو ایس ایس پی کا کہنا ہے کہ صفائی کے حوالے سے شہر کو 4 زونز میں تقسیم کیا گیا ہے، صفائی آپریشن کے لیے 216 گاڑیاں کرائے پر بھی حاصل کی گئی ہیں۔

اس کے علاوہ لوگوں میں بڑے سائز کے قابل تحلیل پلاسٹک تھیلے تقسیم کیے ہیں، پرائمری کلیکشن میں گلی محلوں سے آلائشیں ٹرانسفر اسٹیشن منتقل کی جائیں گی، اس کے بعد سیکنڈری کلیکشن میں آلائشیں ڈمپنگ سائٹ لے جاکر ٹھکانے لگائی جائیں گی۔

چیف ایگزیکٹو ڈبلیو ایس ایس پی کا کہنا ہے کہ آلائشوں کے لیے مقررہ مقامات پر اسپرے اور چونا ڈالا جائے گا جبکہ صفائی سے متعلق آگاہی مہم جاری ہے۔ 

قومی خبریں سے مزید