فرمان الہی
نماز کے اوقات
پاکستانی ٹیم کے سابق کپتان اور وکٹ کیپر راشد لطیف نے بھارت کے خلاف پاکستانی ٹیم کی کمزوریوں کا تجزیہ کردیا۔
بھارتی میڈیا سے گفتگو میں راشد لطیف نے کہا کہ پاکستان اور بھارت نے گزشتہ 10 سال میں دو طرفہ سیریز نہیں کھیلی، ان کا آمنا سامنا صرف آئی سی سی اور اے سی سی ایونٹس میں ہی ہوتا ہے۔
انہوں نے کہا کہ 10 برس کے دوران دونوں ٹیموں کے درمیان کھیلے گئے 15 میں 12 میچز بھارت نے جیتے ہیں۔
سابق کپتان نے کہا کہ پاکستان کی بھارت کے خلاف بڑی کمزوری جذبات پر قابو نہ رکھنا، صبر، حکمت عملی نہ دکھانا اور مکمل فوکس سے نہ کھیلنا ہے۔
اُن کا کہنا تھا کہ پاکستانی ٹیم جذباتی ہوتی ہے، ہم ایک ہی وقت میں سب کچھ کرنے کی کوشش کرتے ہیں، یہی وہ صورتحال ہے جب کھیل بگڑ جاتا ہے۔
راشد لطیف نے مزید کہا کہ بھارت حالات اور پچ کی صورتحال کے مطابق کھیلتا ہے اور جیت جاتا ہے، پاکستان پر 30 سال سے دباؤ ہے اور اسی کا فائدہ بھارتی ٹیم اٹھا رہی ہے۔
انہوں نے یہ بھی کہا کہ حالیہ عرصے میں بھارت نے کم ہی ٹی20 کرکٹ کھیلی ہے جبکہ پاکستان مشکل کنڈیشنز میں کھیلنے کا تازہ تجربہ رکھتا ہے جو اس کےلیے مفید ثابت ہوگا۔
بھارت اور پاکستان کی ٹیمیں اتوار 14 ستمبر کو دبئی میں مدمقابل ہوں گی۔
