آپ آف لائن ہیں
ہفتہ17؍ذی الحج 1441ھ8؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

تحریک عدم اعتماد لانے کا شوق بھی پورا کرلیں، شہباز گل

وزیر اعظم کے معاون خصوصی سیاسی روابط شہباز گل کا کہنا ہے کہ موجودہ اسمبلی میں اپوزیشن کو سب سے زیادہ بولنے کا موقع دیا گیا ہے، اب تحریک عدم اعتماد لانے کا شوق بھی پورا کرلیں۔

یہ بھی پڑھیے: عوام کے حقوق کیخلاف قانون سازی نہیں ہونے دینگے، بلاول

شہباز گل نے بلاول زرداری کے بیان پر ردعمل دیتے ہوئے کہا کہ کل تک مولانا کیساتھ مل کر حکومت کو گھر بھیجنے والا آج جمہوریت کا لیکچر دے رہا ہے۔

انہوں نے کہا کہ دوسروں کوذمہ داریاں بتانے والے پرچی چیئرمین کبھی اپنی ذمہ داریوں پر بھی غور کریں۔

واضح رہے کہ چیئرمین پاکستان پیپلز پارٹی (پی پی پی) بلاول بھٹو زرداری نے پریس کانفرنس کرتے ہوئے کہا تھا کہ تحریک انصاف کی حکومت انسدادِ دہشت گردی ایکٹ ترمیمی بل 2020 کے حوالے سے کنفیوژن پیدا کر رہی ہے۔

انوں نے کہا کہ ہم پاکستانیوں کے خلاف کوئی قانون سازی نہیں ہونے دیں گے۔

قومی خبریں سے مزید