• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سراج الحق کی اپیل پر 5اگست کو ملک بھر میں یوم سیاہ منایا جائیگا

آج کا اخبار
اہم خبریں
01 اگست ، 2020
کراچی (اسٹاف رپورٹر )امیرجماعت اسلامی پاکستان سینیٹر سراج الحق کی اپیل پر 5اگست کو آزاد کشمیر سمیت ملک بھر میں کشمیریوں سے اظہار یکجہتی اور بھارت کی مذمت کے لیے ”یومِ سیاہ“ کے سلسلے میں کراچی میں بھی یوم ِ سیاہ منایا جائے گا اور بیت المکرم مسجد تا حسن اسکوائر گلشن اقبال احتجاجی ریلی نکالی جائے گی جس میں شہر بھر سے عوام کی بڑی تعداد شریک ہو گی۔ واضح رہے کہ 5اگست 2019کو بھارت نے مقبوضہ کشمیر کی علیحدہ حیثیت ختم کرنے کے لیے اپنے آئین میں تبدیلی کر کے کشمیر یوں کے خلاف ایک بڑا جارحانہ اقدام کیا تھا اور اس کے بعد مقبوضہ کشمیر میں کشمیریوں کی آبادی کو اکثریت سے اقلیت میں تبدیل کرنے کی بھی کوششیں شروع کی گئیں جنہیں پوری کشمیری قیادت اور عوام نے مکمل طور پر مسترد کر دیا اور بھر پور احتجاج کیا۔ بھارت نے بدترین لاک ڈاؤن کر کے کشمیریوں کو عملاً محصور کر دیا تا ہم اس کے باوجود کشمیری عوام کی احتجاجی تحریک جاری رہی۔ جماعت اسلامی نے اس حوالے سے ملک گیر یوم ِ سیاہ کا اعلان کیا ہے۔
تازہ ترین