سعودی عرب میں کورونا کے مزید 1579 نئے مریض

سعودی عرب میں کورونا کے مزید 1579 نئے مریض سامنے آگئے۔

ترجمان وزارت صحت کے مطابق سعودی عرب میں کوروناوائرس کے مزید 1579 نئے مریضوں کی تصدیق ہوئی ہے، جس کے بعد مملکت میں کورونا کے مریضوں کی تعداد 2 لاکھ 77 ہزار 478 ہوگئی ہے۔

ترجمان کا کہنا ہے کہ سعودی عرب میں کورونا سے بیمار 21 افراد انتقال کرگئے، جس کے بعد ملک بھر میں انتقال کرنے والوں کی مجموعی تعداد 2،887 تک ہوگئی۔

کورونا وبا کے اثرات کئی دہائیوں تک محسوس کیے جائیں گے، عالمی ادارہ صحت

سربراہ عالمی ادارہ صحت ٹیڈروس ایڈہانوم کا کہنا ہے کہ صدی میں ایک بار آنے والی یہ ایک ایسی وبا ہے جس کے اثرات کئی دہائیوں تک محسوس کیے جائیں گے۔

دوسری جانب دنیا بھر میں کورونا سے متاثرہ افراد کی تعداد ایک کروڑ 78 لاکھ 53 ہزار 488 ہوگئی ہے۔

دنیا بھر میں کورونا سے جاں بحق افراد کی تعداد 6 لاکھ 84 ہزار 765 ہوگئی جبکہ مہلک وائرس سے صحت یاب افراد کی تعداد 1 ایک کروڑ 12 لاکھ 28 ہزار 637 ہوگئی۔