مقبوضہ کشمیر میں سیکورٹی بڑھانے پر محبوبہ مفتی کی بھارت پر تنقید

مقبوضہ کشمیر کی سابقہ وزیر اعلیٰ محبوبہ مفتی نے کورونا کے نام پر وادی کی سیکیورٹی مزید بڑھانے پر نئی دہلی کو تنقید کا نشانہ بنایا ہے۔

سماجی رابطے کی ویب سائٹ پر اپنے ایک پیغام میں محبوبہ مفتی کا کہنا تھا کہ ایسا نہیں کہ 5 اگست پر کورونا زیادہ فعال ہوجائے گا۔

واضح رہے کہ مقبوضہ کشمیر میں بھارتی فوج نے لاک ڈاؤن کے نام پر سیکیورٹی بڑھادی ہے۔

مقبوضہ کشمیر: 5 اگست کو پیرس میں ریلی نکالی جائے گی

مقبوضہ کشمیر میں بھارتی مظالم کے خلاف پوری دنیا خصوصی طور پر یورپی ممالک میں ایک سال مکمل ہونے پر 5 اگست کو پیرس (فرانس ) میں گاردوایسٹ سے ایک ریلی نکالی جائے گی جو تاریخی مقام پیلس دو ریپیلک تک جائے گی۔

اس حوالے سے کشمیری رہنما محبوبہ مفتی نے بھارتی حکومت کے اس قدم کو افسوس ناک قرار دیا۔

انھوں نے کہا کہ ایسا نہیں ہے کہ پانچ اگست پر کورونا وائرس زیادہ ایکٹو ہوجائے گا۔ صاف طور پر یہ نظر آرہا ہے کہ بھارتی انتظامیہ سیکورٹی بڑھا کر یقینی بنانا چاہتی ہے کہ پانچ اگست پر کشمیریوں کے غم و غصے کو دنیا سے چھپا کر رکھا جاسکے۔