• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

35 سال میں ایسا نہیں دیکھا، رمضان چھیپا

تازہ ترین
قومی خبریں
04 اگست ، 2020
جنگ نیوز

سربراہ چھیپا ویلفیئر رمضان چھیپا نے کہا ہے کہ 35 سالوں میں ایسا نہیں دیکھا کہ کوئی اتنی اوپر سے گرا ہو بچ گیا ہو۔

کراچی میں ایک عمارت کی دوسری منزل سے پھینکی جانے والی بچی کے ہمراہ پریس کانفرنس کرتے ہوئے رمضان چھیپا کا کہنا تھا کہ آج صبح انتہائی افسوسناک واقعہ بلوچ کالونی میں پیش آیا۔

انھوں نے کہا کہ آج صبح آٹھ بجے چھیپا کنٹرول پر نومولود بچی کی موجودگی کی اطلاع ملی۔

کراچی: دوسری منزل سے پھینکی گئی نوزائیدہ بچی معجزانہ طور پر بچ گئی

رمضان چھیپا 5 بجے بچی کے ساتھ میڈیا کو بریفنگ دیں گے اور اس سلسلے میں تمام تفصیلات سے آگاہ کریں گے۔

رمضان چھیپا کا کہنا تھا کہ چھیپا مدد گار جب وہاں پہنچے تو دیکھا بچی تشویشناک حالت اور خون میں لت پت تھی۔

انھوں نے بتایا کہ بچی دو منزلہ عمارت سے پھینکی گئی اس وقت حالت تشویشناک تھی۔

ان کا کہنا تھا کہ جناح اسپتال کے ڈاکٹرز نے بہت بہتر علاج کیا جس کے بعد اس کی حالت ٹھیک ہوئی۔

جنگ نیوز

رمضان چھیپا کا کہنا تھا کہ بچی کی دائیں آنکھ پر زخم آئے ہیں، بچی کو بلڈنگ کی عمارت سے پھینکا گیا تھا۔

انھوں نے بتایا کہ بچی دکانوں کے چھپرے پر گری تھی، بچی کو طبی امداد کے لیے جناح اسپتال منتقل کیا گیا، جہاں علاج کے بعد اسے ہوش آیا۔ آئندہ روز میں بچی کی آنکھ کا معائنہ کروایا جائے گا۔

رمضان چھیپا کا کہنا تھا کہ 35 سالوں میں ایسا نہیں دیکھا کہ کوئی عمارت سے گرا ہو اور بچ گیا ہو۔

انھوں نے کہا کہ ہمیں نومولود بچے کچرے کے ڈھیر اور ندی نالوں سے ملتے ہیں۔ رمضان چھیپا نے درخواست کی کہ نومولود بچوں کو چھیپا کے جھولوں میں ڈال دیں۔

تازہ ترین