لبنان، پاکستانی سفارتکار اور انکے اہلخانہ محفوظ

لبنان کے دارالحکومت بیروت میں ہونے والے خوفناک دھماکوں کے بعد بیروت میں پاکستانی سفارتی حکام کا کہنا ہے کہ لبنان میں موجود پاکستانی سفارتکار اور انکے اہلخانہ محفوظ ہیں

سفارتخانے کی اطلاعات کے مطابق لبنان میں رہنے والے پاکستانی بھی محفوظ ہیں۔

بیروت دھماکے: ہلاکتیں 100 سے زائد ہو گئیں

لبنان کے دارالحکومت بیروت کی بندرگاہ کے قریب گزشتہ روز ہونے والے زوردار دھماکوں کے نتیجے میں جاں بحق افراد کی تعداد 100 سے زائد ہو گئی، واقعے میں 4 ہزار افراد زخمی ہوئے ہیں۔

حکام کے مطابق پاکستانی سفارتخانہ دھماکے کے مقام سے 8 کلومیٹر کے فاصلے پر ہے۔ دھماکے سے سفارتخانے کے ایک حصے کو معمولی نقصان پہنچا ہے۔

سفارتی ذرائع کا کہنا ہے کہ اس وقت لبنان میں 1500 سے زائد پاکستانی موجود ہیں۔ بیروت میں پاکستانی شہریوں کی تعداد سے متعلق ابھی مصدقہ اطلاع نہیں۔