ملک بھر میں مظلوم کشمیریوں سے اظہار یکجہتی

ملک بھر میں شہر شہر، گلی گلی مظلوم کشمیریوں سے اظہار یکجہتی کیا گیا، کئی مقامات پر سائرن بجائے گئے اور 1 منٹ کی خاموشی اختیار کی گئی۔

یوم استحصال کشمیر کے موقع پر حیدرآباد میں ڈاکٹرز اور پیرا میڈیکل اسٹاف نے ریلی نکالی گئی۔

سکھر، لاڑکانہ، نوابشاہ، جیکب آباد، کندھ کوٹ، بدین، تھرپارکر اور سانگھڑ میں بھی ریلیاں نکالی گئیں، جن میں شہریوں اور سرکاری افسران نے بڑی تعداد میں شرکت کی۔

5 اگست کو مودی بہت بڑی غلطی کر بیٹھا، وزیراعظم عمران خان

کشمیریوں کو اللّٰہ ایسے دور سے گزار رہا ہے جس کی منزل آزادی ہے، وزیراعظم پاکستان کا آزاد جموں و کشمیر اسمبلی سے خطاب

ملتان اور فیصل آباد میں بھی کشمیریوں سے اظہار یکجہتی کے لیے مظاہرے کیے گئے جبکہ گوجرانوالا میں سائر بجتے ہی شہر کی سڑکوں پر ٹریفک رک گیا۔

سیالکوٹ، جھنگ، مظفر گڑھ، رحیم یار خان، ڈیرہ غازی خان، سرگودھا، حافظ آباد، منڈی بہاء الدین، لیہ، گوجرہ، وہاڑی، لودھراں، نارووال، چکوال، خانیوال اور گجرات میں بھی کشمیریوں کے حق آزادی کےلیے ریلیاں نکالی گئیں۔

آج پورے ملک کیلئے کشمیریوں کے ساتھ اظہار یکجہتی کا اہم دن ہے، صدر مملکت

صدر مملکت ڈاکٹر عارف علوی نے کہا ہے کہ آج پورے ملک کے لیے اہم دن ہے، آج کشمیریوں کے ساتھ اظہار یکجہتی کا دن ہے،صدر مملکت نے کہا کہ ہمیں بھارت کے آئین کا آرٹیکل 370 منظور نہیں تھا۔

باب خیبر کو پاکستان اور کشمیر کے پرچموں سے سجادیا گیا جبکہ گلگت بلتستان، پارا چنار، شمالی وزیرستان میں نکالی گئی ریلیوں میں قبائلی عمائدین نے بھرپور شرکت کی۔