آپ آف لائن ہیں
جمعرات13؍ صفر المظفّر 1442ھ یکم اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیرخارجہ شاہ محمود کا انڈونیشی ہم منصب سے ٹیلیفونک رابطہ

وزیر خارجہ شاہ محمود قریشی نے انڈونیشیا کے وزیر خارجہ سے ٹیلیفونک رابطہ کیا اور اپنے ہم منصب سے گفتگو کے دوران مقبوضہ کشمیر میں انسانی حقوق کی خلاف ورزیوں اور خطے میں امن و امان کی صورتحال پر تبادلہ خیال کیا۔

شاہ محمود قریشی نے کہا کہ مقبوضہ کشمیر میں انسانی حقوق کی سنگین خلاف ورزیاں ہو رہی ہیں۔

وزیر خارجہ نے کہا کہ بھارت کی جانب سے مقبوضہ کشمیر کی جغرافیائی حیثیت میں تبدیلی کی کوشش کی گئی۔ یو این سیکورٹی کونسل کو اس معاملے کو زیر بحث لانے کی ضرورت ہے۔

شاہ محمود قریشی نے کہا کہ بھارت کی جانب سے ایل او سی کی مسلسل خلاف ورزیوں سے خطے کے امن کو خطرات لاحق ہیں۔

وزیر خارجہ نے کہا کہ تنازعہ کے پر امن حل کیلئے سیکورٹی کونسل کو اپنی قراردادوں کی روشنی میں موثر کردار ادا کرنا ہوگا۔

انہوں نے کہا کہ توقع ہے خطے میں امن و استحکام کو یقینی بنانے کیلئے سیکورٹی کونسل اپنا کردار ادا کرے گی۔

قومی خبریں سے مزید