آپ آف لائن ہیں
جمعرات13؍ صفر المظفّر 1442ھ یکم اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جی پی او میں غبن کا معاملہ، 13 افسران اور اہلکار گرفتار

ایف آئی اے کارپوریٹ کرائم سرکل نے کارروائی کرکے جنرل پوسٹ آفس (جی پی او) میں غبن کرنے والے 13 افسران اور اہلکار کو گرفتار کرلیا۔

ڈائریکٹر ایف آئی اے منیر شیخ کے مطابق ایف آئی اے کارپوریٹ کرائم سرکل نے کارروائی کرکے جنرل پوسٹ آفس میں غبن کرنے والے 13 افسران اور اہلکار کو گرفتار کیا ہے، گرفتار ملزمان سے تقریباً 2 کروڑ روپے اور 6 گاڑیاں برآمد کی گئی ہیں۔

ملزمان نے 2014 ءسے 2018 ء کے دوران تقریباً 14 کروڑ روپے کا غبن کیا، ملزمان نے جعلی دستخطوں اور دیگر طریقوں سے بھاری رقم اور قیمتی سامان خورد برد کیا۔

گرفتار ملزمان میں ایک سیاسی جماعت کا سیکٹر انچارج شاہین اقبال بھی شامل ہے، جو اس گروپ کا سرغنہ بھی بتایا جاتا ہے، جبکہ ملزمان کے خلاف 4 مختلف مقدمات درج کیے گئے ہیں۔

ملزمان سے برآمد دو کروڑ روپے کی رقم جی پی او اکاؤنٹ میں جمع کروا دی گئی ہے اور دیگر جنرل پوسٹ آفسیز میں بھی تحقیقات کر رہے ہیں۔

قومی خبریں سے مزید