آپ آف لائن ہیں
جمعرات13؍ صفر المظفّر 1442ھ یکم اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بارش برسانے والا سسٹم بلوچستان تک پھیل گیا


کراچی میں مون سون کی شدت برقرار ہے اور کل بھی گرج چمک کے ساتھ بارش کا امکان ہے۔ بارش برسانے والا یہ سسٹم بلوچستان تک پھیل گیا۔

محکمہ موسمیات کے مطابق کل(ہفتے) کو مسلسل تیسرے دن بھی کراچی میں بادل برسیں گے۔

محکمہ موسمیات کے مطابق بارش برسانے والا ہوا کا کم دباؤ شمالی بحیرہ عرب سے مزید مغرب کی طرف بڑھ رہا ہے۔

محکمہ موسمیات کے مطابق بارش برسانے والا یہ سسٹم بلوچستان تک پھیل گیا ہے۔

کراچی میں آج ہونے والی بارش نے تباہی مچادی ،شہر کی گلیاں تالاب اور سڑکیں دریا بن گئیں۔

گزشتہ دنوں صاف ہونے والا گجرنالہ ایک بار پھر اوور فلو ہوگیا اور پانی سڑک پر آنے لگا۔

دوسری جانب بلوچستان کے مختلف اضلاع میں بارشوں کا سلسلہ جاری ہے جس سے ان علاقوں کے ندی نالوں میں طغیانی ہے، حب میں سیلابی ریلے میں پھنسے دو افراد کو نکال لیا گیا جبکہ مولہ میں رات گئے تک سات افراد کے پانی میں پھنسے ہونے کی اطلاعات ہیں۔

پسنی کے قریب پل سیلابی ریلے میں بہہ جانے سے گوادر کا لسبیلہ اور کراچی سے زمینی رابطہ منقطع ہوگیا ہے۔

قومی خبریں سے مزید