نیب سے قربت نے ن لیگی قائدین کو حواس باختہ کردیا، فیاض چوہان

وزیر اطلاعات پنجاب فیاض الحسن چوہان کا کہنا ہے کہ اقتدار سے دوری اور نیب سے قربت نے ن لیگی قائدین کو حواس باختہ کردیا ہے۔

احسن اقبال کی پریس کانفرنس پر رد عمل دیتے ہوئے فیاض الحسن چوہان نے کہا کہ حکومت کی راہ میں روڑے اٹکانے والی اپوزیشن آج شفافیت کا دعویٰ کر رہی ہے۔

فیاض الحسن چوہان نے کہا کہ ن لیگ ملک کو قرضوں کی دلدل اور تباہی کے دہانے پر چھوڑ کر فرار ہوگئی۔

حکومت نے ملک کو قرضوں کی دلدل میں پھنسادیا، احسن اقبال

احسن اقبال نے کہا کہ نیب پی ٹی آئی کا ذیلی ادارہ ہے، جس دن چینی چوروں، بی آر ٹی، ادویات اور دوائی بحران کے ذمہ داروں کو پکڑا گیا تو اس دن کہیں گے ہوا کا رخ بدل رہا ہے۔

انہوں نے کہا کہ آج پاکستان ایف اے ٹی ایف کی گرے لسٹ سے نکلنے کے قریب ہے۔

فیاض الحسن چوہان نے کہا کہ وزیراعظم کی قیادت میں ریور راوی فرنٹ سٹی کی تعمیر انقلابی منصوبہ ہے۔