آپ آف لائن ہیں
منگل11؍صفر المظفّر 1442ھ 29؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ڈینگی سے متاثرہ علاقوں میں مانیٹرنگ مزید سخت کی جائے، یاسمین راشد

وزیر صحت پنجاب ڈاکٹر یاسمین راشد نے انسداد ڈینگی مہم کےدوران ایس اوپیز کی پابندی نہ کرنے والوں کے خلاف کارروائی کا حکم دیا ہے۔

ڈاکٹر یاسمین راشد نے پولیو مہم کا افتتاح بھی کیا، ان کا کہنا تھا کہ پولیو مہم کے دوران 41 ہزار ٹیمیں گھر گھر جا کر بچوں کو قطرے پلائیں گی۔

لاہور میں انسداد ڈینگی مہم کے اجلاس میں صوبائی وزیر صحت ڈاکٹر یاسمین راشد نے متعلقہ حکام کو ہدایت کی کہ ایس اوپیز پر سختی سے عمل درآمد کروایا جائے، پابندی نہ کرنے والوں کے خلاف بلاامتیاز کارروائی کی جائے۔

صوبائی وزیر کا کہنا تھا کہ متاثرہ علاقوں میں مانیٹرنگ مزید سخت کی جائے، اس سلسلے میں کوتاہی برداشت نہیں کی جائے گی۔

اس سے قبل ڈاکٹر یاسمین راشد نے بچوں کو پولیو کے قطرے پلا کر پولیو مہم کا افتتاح کیا۔

اس موقع پر  ان کا کہنا تھا کہ پولیو مہم 15سے 19 اگست تک جاری رہے گی۔ جبکہ 1 کروڑ 70 لاکھ بچوں کو قطرے پلانے کا ہدف ہے۔

انہوں نے مزید کہا کہ صوبے کے داخلی اور خارجی راستوں پر بھی قطرے پلانے کا انتظام کیا گیا ہے۔ بچوں کے والدین پولیو ٹیموں سے مکمل تعاون کریں۔

قومی خبریں سے مزید