• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چترال کے پانچ ایکسچینج کو ڈی ایس ایل سے منسلک کر دیا گیا

میرا شہر
پشاور
21 اگست ، 2020
پشاور (لیڈی رپورٹر) چترال کے پانچ ایکسچینج کو ڈی ایس ایل سے منسلک کیاگیا جس میں بونی، مستوج، مورکھوہ، تورکھوہ اور گرم چشمہ انٹرنیٹ کی سہولت سے استعفادہ کرسکیں گے جس سے طالب علم، نوجوانوں ، کاروباری حضرات وحکومتی سرگرمیوں میں سہولت مل جائے گی۔ اس اہم اقدام کے حوالہ سے فیڈریشن آف پاکستان چیمبرز آف کامرس اینڈ انڈسٹری خیبرپختونخوا کوآرڈینیٹر سرتاج احمد خان نے شکریہ اد ا کرتے ہوئے کہا ھے کہ ۔ چترال کے دیگر علاقوں میں ڈی ایس ایل ایکسچینج لگا ئے جائیں ان خیالات کا اظہار سرتاج احمد خان نے جنرل منیجر آپریشن پی ٹی سی ایل بدرزمان اور جنرل منیجر ڈیویلپمنٹ سیدخلیل سے ملاقات میں کیا ،اس موقع پر ڈائریکٹر شاہ نواز اور سراج آفریدی بھی موجودتھے۔ سرتاج احمد خان نے ساتھ ہی فیز2 کے لئے ریشن، کریم آباد، ارندو،بمبوریت، لمباغ میں ڈی ایس ایل ایکسچینج نصب کرنے کی درخواست کی اور ڈی ایس ایل ایکسچینج کی تنصیب کے بعد صارفین کو کنکشن فر اہم کرنے کے عمل کے بارے میں تبادلہ خیال کیا ۔
تازہ ترین