• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جارج فلائیڈ سے منسوب ایک نظم

AM
ازھر منیر
آج کا اخبار
ادارتی صفحہ
23 اگست ، 2020

اپنے خواب سنہرے

پر تعبیر پہ پہرے

٭

شہر میں برف کا موسم

اپنے بدن اکہرے

٭

ہر اک چوک صلیبیں

ہر اک سمت کٹہرے

ؕ٭

غم کی دھوپ جلائے

کتنے بدن سنہرے

٭

اُس کی یاد کے موتی

پلکوں پر آ ٹھہرے

٭

جلے ہوئے کچھ خیمے

اور دریا پر پہرے

٭

پیاس سے روتے بچے

تپتی، شِکر دوپہرے

٭

اور وہ سارے وحشی

اندھے،گونگے،بہرے

٭٭٭

(سینئر صحافی، شاعر اور ادیب ازھرمُنیر مارچ 2020ء سے میر شکیل الرحمٰن کی گرفتار کے خلاف احتجاجاً شملہ پہاڑی چوک لاہور میں بھوک ہڑتال پر ہیں)

تازہ ترین