فرمان الہی
نماز کے اوقات
ڈائریکٹر محکمہ موسمیات کا کہنا ہے کہ آج شام کراچی میں گرج چمک کے ساتھ کہیں کہیں تیز بارش کا امکان ہے۔
ڈائریکٹرمحکمہ موسمیات سردار سرفراز کے مطابق شہر قائد میں رات 12بجے کے بعد تیز بارش کا سلسلہ شروع ہوسکتا ہے، مشرقی سندھ اور بھارتی راجستھان پر موجود ہوا کے کم دباؤ آپس میں مل گئے ہیں۔
سردار سرفراز نےاپنے بیان میں کہا کہ سسٹمز کے ملنے کے باعث ان کی شدت تاحال برقرار ہے، جس کے باعث کراچی کے کچھ علاقوں میں 70ملی میٹر سے زائد بارش کا امکان ہے۔
اس کے علاوہ انہوں نے کہا کہ خلیج بنگال میں ہوا کا ایک اور کم دباؤ بھی بن رہا ہے۔
ڈائریکٹر محکمہ موسمیات سردار سرفراز نے مزید کہا کہ کراچی میں 26 اگست تک بارش کا امکان رہے گا۔
