• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم نے پٹرولیم مصنوعات کی قیمتوں میں اضافے کی تجویز مسترد کردی

تازہ ترین
قومی خبریں
31 اگست ، 2020


وزیر اعظم عمران خان نے پٹرولیم مصنوعات کی قیمتوں میں اضافے کی تجویز مسترد کر دی۔

وزیر اعظم کا کہنا ہے کہ کراچی سمیت ملک بھر میں بارش سے عوام پہلے ہی پریشان ہیں۔

عمران خان نے کہا کہ پیٹرولیم مصنوعات کی قیمتوں میں اضافہ نہیں کرسکتے۔

دوسری جانب ترجمان وزارت خزانہ کا کہنا ہے کہ حکومت نے پیٹرولیم مصنوعات کی قیمتیں برقرار رکھنےکا فیصلہ کیا ہے۔

ترجمان وزارت خزانہ کے مطابق ستمبر میں پٹرولیم مصنوعات کی موجودہ قیمتیں برقرار رہیں گی۔

پیٹرول 7، ڈیزل 8 روپے فی لیٹر مہنگا کرنے کی سفارش

اوگرا کی جانب سے سمری پیٹرولیم ڈویژن کو بھجوادی گئی جس پر حتمی فیصلہ وزارت خزانہ وزیراعظم کی مشاورت سے کرے گی۔

ذرائع کا کہنا ہے کہ پٹرول کی قیمت میں 9.71 روپے اضافے کی تجویز دی گئی تھی۔

ذرائع کا کہنا ہے کہ ہائی اسپیڈ ڈیزل کی قیمت میں 9.50 روپے فی لیٹر اضافے کی تجویز دی گئی تھی۔

تازہ ترین