سوشانت قتل کیس: تحقیقات میں قتل کے شواہد نہیں ملے، سی بی آئی

بالی ووڈ کے آنجہانی اداکار سوشانت سنگھ راجپوت کی پراسرار موت کے حوالے سے ایک اور پیش رفت سامنے آئی ہے۔

تحقیقات کرنے والے سینٹرل بیورو آف انویسٹی گیشن (سی بی آئی) کے افسران نے بھارتی میڈیا کو واضح  طور پر بتایا ہے کہ اب تک ہونے والی تحقیقات میں انھیں ایسا کوئی ثبوت نہیں ملا ہے جس کی بنیاد پر یہ کہا جاسکے کہ سوشانت سنگھ راجپوت کو قتل کیا گیا ہے۔

سی بی آئی افسران کا مزید کہنا ہے کہ اس حوالے سے تحقیقات اب بھی جاری ہیں۔

سوشانت کی پوسٹ مارٹم رپورٹ میں نئے انکشافات

بالی ووڈ اداکارہ سوشانت سنگھ راجپوت کی موت کی تحقیقات سی بی آئی کررہی ہے، تحقیقات کے دوران ہر دن نئے انکشافات ہورہے ہیں

 سی بی آئی افسران نے اس موقع پر مزید کہا کہ انھوں نے خودکشی کے زاویئے پر اپنی توجہ مرکوز کررکھی ہے اور وہ یہ جانچ رہے ہیں کہ کیا یہ کیس خودکشی کی ترغیب دینے پر مبنی تو نہیں ہے۔

یہ بھی پڑھیے: ’سوشانت کی پوسٹ مارٹم رپورٹ میں کچھ گڑبڑ ہے‘

یاد رہے کہ سوشانت سنگھ راجپوت ممبئی کے علاقے باندرا میں واقع اپنے گھر میں 14جون کو مردہ حالت میں پائے گئے تھے، ابتدائی طور پر ان کی موت کو مبینہ طور پر خودکشی قرار دیا گیا تھا۔