لاہورشیخوپورہ روڈ پر تیز رفتار ٹرک نے سائیکل پر سوار باپ بیٹے کو کچل دیا جبکہ میرپور آزاد کشمیر کے نواحی علاقے پل منڈاکے قریب کار نہر میں گرنے سے 2بچوں سمیت 3 افراد جاں بحق ہوگئے ۔
پولیس کےمطابق لاہورشیخوپورہ روڈ پر ہڈ یالی اڈا کے قریب تیز رفتار ٹر ک نے سائیکل سوارباپ بیٹے کو ٹکر ماردی جس سے دونوں موقع پر ہی جاں بحق ہو گئے۔
سائیکل سوار باپ کانام جبار شاہ جبکہ بیٹے کانام احسن شاہ تھا اور وہ جاوید نگر کےرہائشی تھے۔دونوں ہڈیالی کے قریب ایک مل میں ڈیوٹی کےلئے جارہے تھے۔ٹرک ڈرائیورفرار ہو گیا،پولیس نےٹرک قبضےمیں لےکرتفتیش شروع کر دی ۔
ادھرمیرپور آزاد کشمیر پولیس کے مطابق سرائے عالمگیر کےرہائشی یاسر اقبال اپنے 2بچوں سمیت میرپور آرہے تھے کہ پل منڈا کے مقام پر موڑ کاٹتے ہوئے کار نہر میں جا گری۔
کار نہر میں گرتے ہی مقامی افراد اور ریسکیو 1122کی ٹیمیں موقع پر پہنچ گئیں ۔ 2 کمسن بچوں ریحان، طیب اوران کے والد یاسر اقبال کی نعشوں کو نکال کر ڈسٹرکٹ ہیڈ کوارٹر اسپتال پہنچا دیا گیا۔
فرمان الہی
نماز کے اوقات
