فرمان الہی
نماز کے اوقات
وزیرِ اعظم عمران خان نے ایف اے ٹی ایف کے معاملے پر وسیع تر مشاورت کا فیصلہ کر لیا۔
ذرائع کے مطابق وزیرِ اعظم عمران خان پارٹی قیادت اور ترجمانوں کے بعد ارکانِ پارلیمنٹ سے بھی اس معاملے پر مشاورت کریں گے۔
وزیرِ اعظم نے تحریکِ انصاف اور اتحادی سینیٹرز کو آج مشاورت کے لیے وزیرِ اعظم ہاؤس بلا لیا، یہ ملاقات سہ پہر ساڑھے 4 بجے ہو گی۔
وزیرِ اعظم عمران خان سینیٹرز سے ایف اے ٹی ایف سمیت اہم قانون سازی پر مشاورت کریں گے، سینیٹرز کی مشاورت سے بل پاس کرانے کا حتمی لائحہ عمل طے کیا جائے گا۔
حکومتی جماعت اور اتحادی ارکانِ سینیٹ ملاقات میں تجاویز بھی پیش کریں گے۔
وزیرِ اعظم عمران خان سینیٹرز کو ایف اے ٹی ایف سے متعلق ضروری ہدایت بھی دیں گے۔
یہ بھی پڑھیئے:۔
ایف اے ٹی ایف قوانین ہر صورت پاس کروائیں گے، وزیرِ اعظم
وزیرِ اعظم سینیٹرز سے ملاقات میں پارلیمانی امور پر بات چیت کریں گے اور مسائل سنیں گے۔
ذرائع کا یہ بھی کہنا ہے کہ حکومت نے اس معاملے پر آئندہ ہفتے مشترکہ اجلاس یا قومی اسمبلی اور سینیٹ اجلاس ایک ساتھ بلانے کی منصوبہ بندی بھی کر لی ہے۔
