ایف اے ٹی ایف قوانین ہر صورت پاس کروائیں گے، وزیر اعظم

وزیراعظم عمران خان نے کہا ہے کہ ایف اے ٹی ایف قوانین ہرصورت پاس کروائیں گے، ایف اے ٹی ایف قانون کی مخالفت قومی اہداف کی مخالفت ہے۔

عمران خان نے کہا کہ ملکی سلامتی اورعوامی مفاد کی قانون سازی میں تاخیر نہیں ہونی چاہیے۔

وزیراعظم عمران خان سے مشیر پارلیمانی امور ڈاکٹر بابر اعوان نے ملاقات کی، جس کے دوران بابر اعوان نے وزیراعظم کو فنانشل ایکشن ٹاسک فورس (ایف اے ٹی ایف) قانون سازی سے متعلق بریفنگ دی۔

عمران خان نے پیر سے قومی اسمبلی اور سینیٹ کا اجلاس منعقد کرنے کی ہدایت کردی۔