فرمان الہی
نماز کے اوقات
مسلم لیگ ن کے صدر میاں شہباز شریف نے خیبر پختونخوا میں بارشوں سے تباہی پر افسوس کا اظہار کیا ہے۔
پاکستان مسلم لیگ ن کے صدر اور قومی اسمبلی میں قائدِ حزبِ اختلاف میاں شہباز شریف نے اپنے ایک بیان میں کہا ہے کہ بروقت اطلاع کے باوجود وفاقی اور صوبائی حکومت کی لاپرواہی قابل مذمت ہے۔
شہباز شریف نے کہا کہ عوام کے مصائب کو فوری حل کیا جائے اور مکانات، فصلوں اور دیگر نقصانات پر مناسب مالی مدد بھی کی جائے۔
انہوں نے کہا کہ ریلیف اور ریسکیو کا جامع پلان مرتب کرکے فوری اقدامات یقینی بنائے جائیں۔
صدر مسلم لیگ ن نے مزید کہا کہ خیبرپختونخوا کے متاثرین سے دلی ہمدردی کرتا ہوں، عہدیداران، منتخب نمائندے اور کارکنان خیبرپختونخوا کے متاثرین کی بھرپور مدد کریں۔
