فرمان الہی
نماز کے اوقات
نیویارک (جنگ نیوز) سرینا ولیمز ، صوفیہ کین، وکٹوریہ ازارینکا اور فرانس کی علیز کارنیٹ یو ایس اوپن ٹینس کے راؤنڈ آف 16 میں پہنچ گئیں۔ 24ویں گرینڈ سلم ٹائٹل کی متلاشی سیرینا نے ایک سیٹ ہارنے کے باوجود ہم وطن سلوئن اسٹیفنز کو مات دی۔ تھرڈ راؤنڈ میں تیونس کی اونس جابر اور امریکا کی صوفیہ کین کے درمیان اچھا مقابلہ ہوا جس میں صوفیہ نے پہلا سیٹ ٹائی بریکر پر اپنے نام کیا جبکہ دوسراسیٹ بھی صوفیہ نے 3-6 سے جیت کر اگلے مرحلے میں جگہ بنا لی۔ فرانس کی علیز کارنیٹ امریکا کی میڈیسن کیس کو ہرا کر اگلے مرحلے میں پہنچ گئیں ۔ میڈیسن کیز انجری کے باعث دستبردار ہو گئیں۔ایک اور میچ میں بیلاروس کی وکٹوریہ ازارینکا نے پولینڈ کی ایگا سویتک کو ہرا کر راؤنڈ آف 16 میں جگہ بنا لی۔
