آپ آف لائن ہیں
جمعہ18؍ربیع الثانی 1442ھ 4؍دسمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دورۂ نیوزی لینڈ میں بھی 30 کھلاڑیوں کا اسکواڈ ہوگا

دورۂ نیوزی لینڈ کے لیے پاکستان کرکٹ بورڈ نے پلاننگ شروع کر دی، نیوزی لینڈ کے لیے بھی اسکواڈ میں 30 کھلاڑیوں کی شمولیت کا امکان ہے۔

پاکستان کرکٹ ٹیم نومبر دسمبر میں نیوزی لینڈ کا دورہ کرے گی، جہاں دو ٹیسٹ اور تین ٹی ٹوئنٹی میچز کی سیریز ہوں گی۔

پی سی بی نے دورۂ نیوزی لینڈ کی حکمت عملی بنانا شروع کر دی ہے جبکہ نیوزی لینڈ کرکٹ کوویڈ 19 کی صورتحال کو مد نظر رکھتے ہوئے انتظامات میں مصروف ہے۔

ذرائع کا کہنا ہے کہ نیوزی لینڈ کے دورے کے لیے پاکستانی اسکواڈ 30 کھلاڑیوں پر مشتمل ہوگا جس میں پاکستان شاہین کے کھلاڑی بھی شامل کیے جا سکتے ہیں ۔

دوسری جانب نیوزی لینڈ کرکٹ نے ہوم انٹر نیشنل سیزن کے شیڈول کا اعلان کرنا ہے ،جبکہ پاکستان ٹیم کا رواں ماہ ہونے والا دورۂ ساؤتھ افریقہ پہلے ہی ملتوی ہو چکا ہے ۔

کھیلوں کی خبریں سے مزید