موٹر وے زیادتی، مرکزی ملزم عابد بدتمیز اور جھگڑالو ہے

موٹر وے پر خاتون سے زیادتی کے مرکزی ملزم کے بارے میں اس کے اہلِ محلہ کا کہنا ہے کہ ملزم عابد ایک بدتمیز اور جھگڑالو شخص ہے۔

پولیس ملزم عابد کو ابھی تک گرفتار نہیں کرسکی ہے جبکہ پنجاب حکومت کی جانب سے بطور دوسرے ملزم نام دیئے جانے والے وقارالحسن نے رشتے داروں کے دباؤ کی وجہ سے گرفتاری پیش کر دی ہے۔

پولیس کی جانب سے ملزم عابد کی گرفتاری کے لیے کوششیں جاری ہیں، جو فورٹ عباس کا رہنے والا ہے اور ملزم عابد کا ڈی این اے زیادتی کا شکار خاتون سے ملنے والے سیمپلز سے میچ ہو گیا تھا۔

پولیس نے آج بھی ڈیرہ ملیاں غازی کوٹ میں خاتون سے زیادتی کے مرکزی ملزم عابد کے گھر کی تلاشی لی، جہاں ویرانی کے ڈیرے ہیں۔

موٹر وے زیادتی کیس، ملزم وقار نے گرفتاری دیدی

موٹر وے پر خاتون سے زیادتی کے کیس میں اہم پیش رفت سامنے آئی ہے، ملزم وقار الحسن نے سی آئی اے ماڈل ٹاؤن میں پیش ہو کر گرفتاری پیش کر دی۔

لاہور : موٹر وے پر خاتون کے ساتھ اجتماعی زیادتی

گجر پورہ میں دو افراد نے موٹر وے پر کھڑی گاڑی سے خاتون کواغوا کرکے زیادتی کا نشانہ بنایا،حملہ آوروں نے کھڑی گاڑی کے شیشےتوڑ کر خاتون اور بچوں کو باہر نکالا۔

اہلِ محلہ کا کہنا ہے کہ ملزم عابد ایک بدتمیز اور جھگڑالو شخص ہے، جس کی وجہ سے ملزم عابد اور اس کے گھر والوں سے کسی کی بول چال نہیں تھی۔

اہلِ محلہ نے الزام عائد کیا کہ ملزم عابد اور اس کے گھر والے چوری چکاری کرتے تھے۔

پولیس کو ملزم عابد کے گھر سے اس کی بھابھی کی ایک تصویر ملی ہے۔

خاتون سے زیادتی کا مرکزی ملزم عابد پہلے سے ہی اشتہاری ہے، فارنزک سائنس ایجنسی کے ڈی این اے بینک میں ملزم کا ڈی این اے سیمپل پہلے سے موجود تھا، جو پہلے بھی مختلف نوعیت کی واداتوں میں ملوث رہا ہے اور اس کا جرائم پیشہ ریکارڈ بھی موجود ہے۔

ذرائع کے مطابق ملزم کے خلاف 2013 ء میں ڈکیتی اور زنا کی دفعات کے تحت مقدمہ درج کیا گیا، جس کے بعد پنچایت کے فیصلے کے بعد وہ علاقہ بدر کر دیا گیا تھا۔

یہ بھی پڑھیئے:۔

موٹروے زیادتی کیس، 2 ملزموں کا سراغ مل گیا، اطلاع لیک ہونے پر فرار

موٹر وے زیادتی کیس، مرکزی ملزم کا نام، پتہ اور تصویر سامنے آگئی

موٹر وے زیادتی کیس: ملزمان کا تعاقب جاری ہے، آئی جی پنجاب

موٹر وے پر خاتون سے زیادتی، پولیس کو ٹرک کی تلاش

پولیس کے مطابق ملزم عابد پر 2013ء میں ایک مقدمہ تھانہ فورٹ عباس درج ہوا، 2014ء میں 4 مقدمات تھانہ کھچی والا میں درج ہوئے۔

پولیس کے مطابق ملزم پر 2016ء میں ایک اور 2017ء میں 2 مقدمات درج ہوئے، ایک مقدمہ تھانہ فورٹ عباس اور 7 مقدمات تھانہ کھچی والا میں درج ہو چکے ہیں۔

پنجاب حکومت کی جانب سے گزشتہ روز اعلیٰ سطح کی پریس کانفرنس میں ملزم عابد اور وقارالحسن کی تفصیلات جاری کی گئی تھیں۔

وزیرِ اعلیٰ پنجاب سردار عثمان بزدار اور آئی جی پنجاب انعام غنی نے گزشتہ روز ملزمان عابد اور وقارالحسن کی نشاندہی کی تھی۔