کراچی، گندگی کے سبب وبائی امراض میں اضافہ

شہر قائد کراچی میں گندگی کے سبب وبائی امراض پھیلنا شروع ہو گئے ہیں، موجودہ صورتحال اپنے ساتھ ڈائیریا، اسحال، ملیریا ، ڈینگی سمیت مختلف وائرل انفیکشن ساتھ لارہی ہے۔

ماہرین صحت کے مطابق کراچی میں گندگی کے ڈھیر، مکھیوں اور مچھروں کی بہتات سے وبائی امراض پھیلنے شروع ہوگئے ہیں، صفائی ستھرائی برقرار رکھنے سے باآسانی ان امراض سے بچاؤ ممکن ہے۔

صحت کے شعبے میں انقلابی تبدیلیوں کی ضرورت ہے، ماہرین

ان خیالات کا اظہار معروف ماہر صحت اور پبلک ہیلتھ ایکسپرٹ ڈاکٹر بابر سعید خان نے کراچی میں صحافیوں سے بات چیت کرتے ہوئے کیا۔

کراچی میں بارشوں کے بعد نکاسِ آب کی عدم سہولت، سیوریج اور پانی کے ابلتے گٹر اور بے تحاشہ گندگی پر مکھیوں اور مچھروں کی بہتات سے وبائی امراض پھیلنے شروع ہوگئے ہیں۔

ڈاکٹروں کے مطابق موجودہ صورتحال سے بچاؤ کا واحد حل صفائی ستھرائی اختیار کرنے، پھلوں سبزیوں اور گھوشت کو پکانے،  کھانا کھانے سے قبل اچھی طرح ہاتھ دھونے مین ہے، اس طرح سے خود کو اور دوسروں کو وبائی امراض سے بچایا جا سکتا ہے۔

سندھ میں ڈینگی کی بہتات، کراچی میں 90 فیصد کیسز

صوبہ سندھ میں میں ڈینگی مچھر کی بہتات کے باعث رواں سال سندھ میں ڈینگی سے متاثرہ افراد کی تعداد 767 تک جاپہنچی ہے۔

ماہرین صحت کے مطابق حاملہ خواتین، بچے اور بزرگ افراد میں قوت مدافیت کی کمی کا سامنا ہوتا ہے اس لیے انہیں خاص احتیاط کی ضرورت ہے۔