بھارتی فوج تسلسل سے شہری آبادی کو نشانہ بنا رہی ہے، پاکستان

پاکستان نے بھارت کی طرف سے جنگ بندی کی خلاف ورزی علاقائی امن و سلامتی کے لیے خطرہ قرار دیدیا۔

پاکستان نے بھارتی ناظم الامور گورو آہلووالیا کو دفترخارجہ طلب کر کے بھارتی فائرنگ اور گولہ باری پر شدید احتجاج ریکارڈ کروایا ہے۔

پاک فوج نے بھارت کا 11واں جاسوس ڈرون مار گرایا

ڈی جی آئی ایس پی آر کے مطابق پاک فوج نے لائن آف کنٹرول (ایل او سی) کے چکوٹھی سیکٹر میں بھارتی جاسوس ڈرون مارگرایا ہے۔

ترجمان دفتر خارجہ کے مطابق بھارتی افواج نے تتہ پانی اور رکھ چکری سیکٹرز پر بلااشتعال فائرنگ اور گولہ باری کی۔

ترجمان نے مزید کہا کہ بھارتی ناظم الامور کو بتایا گیا کہ بھارتی افواج تسلسل سے شہری آبادی کو نشانہ بنا رہی ہیں۔

دفتر خارجہ نے گورو آہلووالیا پر واضح کیا کہ بھارت مقبوضہ کشمیر میں انسانی حقوق کی خلاف ورزیوں سے عالمی توجہ نہیں ہٹا سکتا۔

ترجمان نے یہ بھی کہا کہ بھارت کی طرف سے جنگ بندی کی خلاف ورزی علاقائی امن و سلامتی کے لیے خطرہ ہے۔