میرا بیٹا نہیں چاہتا کہ وہ میرے نام سے پہچانا جائے، اکشے کمار

بھارتی فلم انڈسٹر ی کے معروف اداکار اکشے کمار کا کہنا ہے کہ اُن کا بیٹا آراو شوبز کی دُنیا سے دور رہتا ہے کیونکہ وہ نہیں چاہتا کہ وہ اپنے والد کے نام سے پہچانا جائے۔

بھارتی میڈیا کے مطابق اکشے کمار نے اپنے حالیہ انٹرویو میں اس بات کا انکشاف کیا کہ اُن کا بیٹا آراو کمار فلموں اور شوبز کی دُنیا سے دور رہنا چاہتا ہے اور یہی وجہ ہے کہ وہ سب سے الگ رہتا ہے۔

میں کسی بھی مذہب پر یقین نہیں رکھتا، اکشے کمار

بھارتی فلم اسٹار اکشے کمار کا کہنا ہے کہ وہ کسی بھی مذہب پر یقین نہیں رکھتے ہیں وہ صرف بھارتی ہیں۔

اکشے کمار نے اپنے انٹرویو میں بتایا کہ اُن کا بیٹا آراو نہیں چاہتا کہ اُس کی پہچان اُس کے والد کے نام سے ہو، وہ یہ نہیں چاہتا کہ لوگ اسے کہیں کہ یہ تو اکشے کمار کا بیٹا ہے اور اِسی وجہ سے وہ فنکاری کی دُنیا کو ترجیح نہیں دیتا ہے کیونکہ وہ اپنی پہچان خود بنانا چاہتا ہے۔

اداکار کا کہنا تھا کہ اُنہیں معلوم ہے کہ اُن کا بیٹا بہت مختلف ہے اور وہ اپنی ایک الگ پہچان بنانا چاہتا ہے اِسی لیے وہ اپنے بیٹے کے ہر فیصلے پر اُس کا ساتھ دیتے ہیں اور کبھی بھی اُسے اپنی طرح بنانے کی کوشش نہیں کرتے ہیں۔

اکشے کمار ہاتھی کے فضلے سے تیار کردہ چائے پی گئے

لاس اینجلس (مانیٹرنگ ڈیسک)بولی وڈ کھلاڑی اکشے کمار...

بھارتی فلم اسٹار کا مزید کہنا تھا کہ اُن کے والد کا اُن کی زندگی میں واحد اثر و رسوخ تھا اور اُنہوں نے اپنے والد کے تمام اصولوں اور ان تمام چیزوں پر عمل کیا جو اُنہوں نے اداکار کو سکھائی تھیں اور اب وہ اپنے بیٹے کے لیے بھی یہی اُمید رکھتےہیں کہ اُن کا بیٹا بھی اُن تمام اصولوں پر ضرور عمل کرے گا۔

واضح رہے کہ اکشے کمار سال 2001 میں بھارتی فلم پروڈیوسر ٹوئنکل کھنّہ کے ساتھ رشتۂ ازدواج میں منسلک ہوئے تھے اور اس بھارتی جوڑی کا ایک بیٹا اور ایک بیٹی ہے۔