کالجز میں SOPs کے مزید بہتر انتظامات کرنے ہونگے، سعید غنی

سندھ کے وزیر تعلیم سعید غنی کا کہنا ہے کہ سرکاری اور نجی اسکولوں میں ایس او پیز کی صورتحال بہتر نظر آئی ہے، کالجز میں مزید بہتر انتظامات کرنے پڑیں گے۔

جیونیوز کے پروگرام جیو پاکستان میں گفتگو کرتے ہوئے سندھ کے وزیر تعلیم سعید غنی نے کہا کہمیں نے ایس او پیز کا جائزہ لینے کیلئے15 تعلیمی اداروں کا معائنہ کیا ہے۔

سعید غنی گورنمنٹ ویمن کالج پہنچ گئے

وزیرِ تعلیم و محنت سندھ سعید غنی نے کورونا کے باعث بند ہو کر تقریباً 200 دن بعد آج کھلنے والے کراچی کے کئی تعلیمی اداروں کا دورہ کیا ہے۔

سعید غنی کا کہنا تھا کہ سرکاری اور نجی اسکولوں میں ایس او پیز کی صورتحال بہتر نظر آئی ہے، صوبے کے کالجوں میں ایس او پیز پر عمل درآمد کیلئےمزید بہتر انتظامات کرنے پڑیں گے۔

ممکن ہے اسکول 6 ماہ تک نہ کھلیں: سعید غنی

سندھ کے وزیرِ تعلیم سعید غنی کہتے ہیں کہ ہم ذہنی طور پر تیار ہیں، ممکن ہے اسکول 6 ماہ تک نہ کھلیں، البتہ بچوں کی تعلیم جاری رکھنے کے لیے مختلف ماڈلز پر کام کر رہے ہیں۔

انہوں نے بتایا کہ ایک اسکول میں بچی سیڑھیاں چڑھتے ہوئے گری، واقعے کی تحقیقات کی جائیں گی، بچی کی موت میں اگر اسکول ذمہ دار ہوا تو سخت کارروائی کریں گے۔