73 برس سے محفوظ مقدس کتاب سکھوں کے حوالے

سیالکوٹ میں گوردوارہ بابے دی بیر میں سکھ برادری کو 73 برس بعد مقدس کتاب ’گرو گرنتھ صاحب‘ حوالے کردی گئی۔

ذرائع کے مطابق کئی سال پرانی گرو گرنتھ صاحب کتاب کو گجرات کے مسلمان خاندان نے اپنے پاس محفوظ رکھا ہوا تھا جسے آج گوردوارہ میں منعقدہ تقریب میں سکھ برادری کے حوالے کیا گیا ۔

سکھ برادری کے مطالبے پر دربار کرتارپور کل سے کھول دیا جائے گا

متروکہ وقف املاک بورڈ کے ڈپٹی سیکرٹری محمد عمران کے مطا بق سکھ برادری کے مطالبے پر دربار کرتار پور دوبارہ کھولا جارہا ہے، یاتریوں سے گزارش ہے کہ کورونا سے بچاؤ کےلیے ایس اوپیز پر مکمل عمل کریں ۔

اس موقع پر سکھ رہنما کا کہنا تھا کہ ہماری مقدس کتاب کو مسلمانوں نے73 سال تک محفوظ رکھ کر بھائی چارے کی اعلیٰ مثال قائم کی ہے۔

واضح رہے کہ سکھ مذہب کی مقدس کتاب ’گرو گرنتھ صاحب ‘کو مسلمان خاندان نے 1947 سے اپنے پاس محفوظ رکھا ہوا تھا ۔