نعمان اعجاز چلتے پھرتے اسکول ہیں، اقرا عزیز

پاکستان شوبز انڈسٹری کی خوبرو اور باصلاحیت اداکارہ اقرا عزیز نے سینئر اداکار نعمان اعجاز کو چلتا پھرتا اسکول قرار دے دیا۔

فوٹو اینڈ ویڈیو شیئرنگ ایپ انسٹاگرام پر اقرا عزیز نے اپنی ایک تصویر پوسٹ کی جس میں اداکارہ کے ہمراہ سینئر اداکار نعمان اعجاز بھی موجود ہیں جبکہ یہ تصویر اُن کے نئے آنے والے ڈرامے ’رقیب سے ‘ کی ہے جو کہ ایک نجی ٹی وی چینل پر نشر کیا جائے گا۔

تصویر پوسٹ کرتے ہوئے اقرا عزیز نے نعمان اعجاز کو مخاطب کرتے ہوئے لکھا کہ ’سر میں بہت خوش قسمت ہوں کہ مجھے آپ کےساتھ کام کرنے کا موقع ملا، اِس دوران میں نے آپ سے بہت کچھ سیکھا اورآپ کے ساتھ ایک اچھا وقت گُزارا۔‘

اقرا عزیز نے لکھا کہ ’آپ ہمارے ایک ایسے لیجنڈ ہیں جنہوں نے ہماری انڈسٹری کو 32 سال دیے لیکن اس کے باوجود بھی آپ میں بالکل غرور نہیں ہے بلکہ آپ تو خوش اخلاق شخصیت کے مالک ہیں۔‘

یہاں عورتوں کیساتھ کھڑے ہونے والے مرد بھی ہیں، اقرا عزیز

پاکستان شوبز انڈسٹری کی معروف اور خوبرو اداکارہ اقرا عزیز کا کہنا ہے کہ ہمارے پاس ایسے مرد بھی موجود ہیں جو عورتوں کی حفاظت کرتے ہیں اور اُن کا ساتھ دیتے ہیں۔

اداکارہ نے نعمان اعجاز کےساتھ گُزرے وقت کو ایک بہترین خوشی قرار دیتے ہوئے کہا کہ ’آپ کے ساتھ گُزرا ہر لمحہ میرے لیے ایک قیمتی یاد ہے۔‘

آخر میں اقرا عزیز نے اداکار کو اسکول قرار دیتے ہوئے لکھا کہ ’واقعی میں آپ ایک چلتے پھرتے اسکول ہیں۔‘

بدترین لوگ وہ ہیں جو دوسروں کے عیب تلاش کرتے ہیں، نعمان اعجاز

گزشتہ دنوں سے سوشل میڈیا پر تنقید کا شکار پاکستان شوبز انڈسٹری کے سینئر اداکار نعمان اعجاز نے اپنے مداحوں کو اپنے خاموش رہنے کی وجہ بتا دی ہے۔

واضح رہے کہ ڈراما ’رقیب سے‘ ایک نجی ٹی وی چینل پر نشر کیاجائے جس میں اقرا عزیز اور نعمان اعجاز کے ساتھ گلوکارہ حدیقہ کیانی بھی پہلی بار ڈراموں کی دُنیا میں اداکاری کرتی نظر آئیں گی۔