فرمان الہی
نماز کے اوقات
بھارتی یوٹیوبر ارمان ملک اور اُن کی 2 بیویوں کو عدالت نے طلب کرلیا۔
بھارتی میڈیا رپورٹ کے مطابق بگ باس (او ٹی ٹی) 3 کا حصہ رہے، 37 سالہ یوٹیوبر کو پٹیالہ کورٹ نے متعدد شادیاں کرنے اور مذہبی جذبات مجروح کرنے کے الزام میں طلب کیا ہے۔
ارمان ملک اور اُن کی دو بیویوں پائل اور کرتیکا ملک قانونی مشکل میں پھنس گئے ہیں، پٹیالہ کی عدالت نے انہیں 2 الگ مقدمات میں طلب کیا اور تینوں کو 2 ستمبر کو پیش ہونے کے نوٹس جاری کیے ہیں۔
تینوں کو عدالتی سمن دیویندر راجپوت کی دائر درخواست پر جاری ہوا، ارمان ملک پر الزام ہے کہ انہوں نے صرف 2 نہیں بلکہ 4 شادیاں کر رکھی ہے جو ہندو میرج ایکٹ کی خلاف ورزی ہے، جس میں صرف ایک شادی کی اجازت ہے۔
ایک اور درخواست میں ارمان اور پائل پر مذہبی جذبات مجروح کرنے کا الزام لگایا گیا، جس میں کہا گیا کہ پائل نے انسٹا گرام پوسٹ میں ہندو دیوی کا روپ دھارا، جس سے عوام میں غصہ پیدا ہوا۔
ویڈیو پر ارمان ملک اور پائل ملک عوامی سطح پر معافی مانگ چکے ہیں، پائل نے مبینہ طور پر مندر کی صفائی سمیت دیگر مذہبی رسومات ادا کیں، بعد ازاں جوڑا ہردوار بھی گیا اور نرنجنی اکھاڑے میں معافی طلب کی ،اس دوران پائل ملک کی طبیعت بھی بگڑی اور انہیں اسپتال میں داخل ہونا پڑا۔
