آپ آف لائن ہیں
اتوار7؍ ربیع الاوّل1442ھ 25؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اے ایس آئی کی خاتون سے مبینہ زیادتی کا آئی جی نے نوٹس لے لیا



آئی جی پنجاب پولیس انعام غنی نے گوجرانوالہ میں خاتون سے اے ایس آئی کی مبینہ زیادتی کا نوٹس لے لیا۔

آئی جی پنجاب نے آر پی او گوجرانوالہ سے واقعہ کی رپورٹ طلب کرلی اور ذمہ داران کے خلاف فوری محکمانہ و قانونی کارروائی کی ہدایت کی ہے۔

گوجرانوالہ کی عزیز کالونی کی رہائشی لڑکی سے پولیس اہلکار کی مبینہ زیادتی کا مقدمہ تھانہ اروپ میں درج کرلیا گیا ہے۔

والد کی مدعیت میں درج کئے گئے مقدمہ میں موقف اختیار کیا گیا کہ اوباشں نوجوانوں کے خلاف شکایت پر اے ایس آئی انکوائری کے لیے گھر آیا تھا اور بیٹی سے زیادتی کی۔

ادھر سی پی او نے جیونیوز کو بتایا کہ ایس پی انوسٹی گیشن کی سربراہی میں چار رکنی ٹیم تشکیل دے دی گئی ہے۔


متاثرہ لڑکی کا میڈیکل کرالیا گیا ہے، رپورٹ ابھی موصول نہیں ہوئی ہے۔

دوسری طرف مقدمہ میں ملوث اے ایس آئی نے گرفتاری سے بچنے کے لیے عبوری ضمانت کرا لی ہے، اے ایس آئی کا کہنا ہے کہ جھوٹا الزام لگایا ہے، تفتیش میں حقائق سامنے آجائیں گے۔

متاثرہ لڑکی نےاپنے ویڈیو بیان میں الزام لگایا کہ اے ایس آئی مبشر نے زیادتی کی، اور شکایت نہ کرنے کی دھمکی بھی دی۔

قومی خبریں سے مزید