آپ آف لائن ہیں
جمعرات11؍ ربیع الاوّل 1442ھ 29اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شہباز شریف کا اے پی سی سے قبل آرمی چیف سے ملاقات کا اعتراف


پاکستان مسلم لیگ (ن) کے صدر شہباز شریف نے پاکستان پیپلز پارٹی کی صدارت میں ہونے والی آل پارٹیز کانفرنس سے قبل آرمی چیف جنرل قمر جاوید باجوہ سے ملاقات کا اعتراف کرلیا۔

اپنے ایک بیان میں شہباز شریف کا کہنا تھا کہ اس بات سے انکار نہیں کہ آرمی چیف سے ملاقات آل پارٹیز کانفرنس سے پہلے ہوئی۔

اس ملاقات سے متعلق ان کا کہنا تھا کہ ملاقات میں گلگت بلتستان اور قومی سلامتی سے متعلق امور پر بات چیت ہوئی۔

قومی اسمبلی میں اپوزیشن لیڈر نے کہا کہ اے پی سی کے فیصلوں پر عمل ہوگا۔

لیگی صدر کا کہنا تھا کہ عمران خان حکومت کی عوام دشمن پالیسوں پر اپوزیشن کا اکٹھا ہونا ضروری ہے۔

ان کا یہ بھی کہنا تھا کہ نیب نیازی گٹھ جوڑ کے اندھے انتقام کی پیاس نہیں بجھ رہی۔

واضح رہے کہ ایک روز قبل آرمی چیف اور ڈی جی آئی ایس آئی سے پارلیمانی رہنماؤں سے ملاقات ہوئی تھی۔

قومی خبریں سے مزید