صحت کے نظام کی بہتری پاکستان تحریک انصاف کی اولین ترجیح ہے، وزیراعظم

وزیر اعظم عمران خان کا کہنا ہے کہ صحت کے نظام کی بہتری پاکستان تحریک انصاف کی حکومت کی اولین ترجیح ہے۔

وزیراعظم عمران خان سے انصاف ڈاکٹر فورم کے وفد نے ملاقات کی جس میں ڈاکٹر فیصل سلطان اور ڈاکٹر یاسمین راشد نے بھی شرکت کی۔

وزیر اعظم نے وفاقی کابینہ کا اجلاس منگل کو طلب کرلیا

وفاقی کابینہ کے اجلاس میں بائیولوجیکل ادویات کےلئے ماہر کی تعیناتی کابینہ ایجنڈا میں شامل ہیں ، جبکہ میڈیکل اینڈ ڈینٹل کونسل کے آئین کی منظوری بھی کابینہ ایجنڈا میں شامل ہیں۔

وفد نے وزیراعظم عمران خان سے صحت کارڈ میں دانتوں کی بیماریوں کا علاج بھی شامل کرنے کا مطالبہ کردیا۔

ملاقات میں پی ایم سی کے متعلق ڈاکٹرز کمیونٹی کے تحفظات اور ایم ٹی آئی پر بحث و مباحثہ بھی کیا گیا۔

وزیراعظم نے ہیلتھ ریفارمز میں انصاف ڈاکٹر فورم کو اپنی کاوشیں جاری رکھنے کی ہدایت کردی۔

عمران خان نے تمام ہیلتھ منسٹرز کو ڈاکٹروں کے مسائل ترجیحی بنیادوں پر حل کرنے کی ہدایت کردی۔

مذکورہ وفد نے وزیراعظم کو ملک بھر کے ڈاکٹرز اور متعلقہ کمیونٹی کے تحفظات سے آگاہ کیا۔