سیالکوٹ(نمائندہ جنگ) سیالکوٹ میڈیکل کالج میں پوزیشن ہولڈز طالبعلموں میں انعامات تقسیم کرنے کی تقریب کا انعقاد کیا گیا ۔اس موقع پر مہمان خصوصی وائس چانسلر یو نیورسٹی آف ہیلتھ اینڈ سائنسز ڈاکٹر ریٹائرڈ میجر پروفیسرڈاکٹر اسلم ،ڈائریکٹر کالج ڈاکٹر عمران بٹ،سیکرٹری پی ایم اے ڈاکٹر امتیاز احمد تبسم، پرنسپل کالج ڈاکٹر محمد صابر، ڈاکٹر ریحان قریشی کے علاوہ طلبہ وطالبات اور والدین موجود تھے۔ تقریب سے خطاب کرتے ہوئے وائس چانسلر یو نیورسٹی آف ہیلتھ اینڈ سائنسز ڈاکٹر ریٹائرڈ میجر پروفیسرڈاکٹر محمد اسلم نے کہا کہ طب انتہائی مقدس اور محترم پیشہ ہے جس سے وابستہ افراد پر معاشرے میں سسکتی ہوئی انسانیت کو سہارا دینے کی اہم ترین ذمہ داری عائد ہوتی۔ انہوں نے کامیاب ہونے والے طالبا و طالبات پر زور دیا کہ وہ اپنی پیشہ وارانہ ذمہ داریوں کو ایک عبادت سمجھ کر ان سے عہدہ براہ ہونے کی کوشش کریں اور دکھی انسانیت کی تکالیف میں کمی لانے کے لئے اپنا بھرپور کردار بھرپور طریقہ سے نبھائیں،انہو ں نے کامیاب ہونے والے طلبہ طالبات میں انعامات اور شیلڈز تقسیم کی۔
فرمان الہی
نماز کے اوقات
