کراچی: مقابلے میں پولیس اہلکار زخمی، ملزمان فرار

کراچی کے علاقے طاہر ولا چورنگی کے قریب مقابلے میں ایک پولیس اہلکار زخمی ہو گیا جبکہ پولیس پر فائرنگ کرنے والے کار سوار ملزمان فرار ہونے میں کامیاب ہو گئے۔

پولیس کے مطابق طاہر ولا کے قریب موٹر سائیکل پر سوار گشت پر مامور گلبرگ تھانے کے اہلکاروں نے سفید رنگ کی کار کو سڑک کنارے کھڑے ہوئے دیکھا جس میں کچھ مشتبہ افراد کار کے اندر اور باہر بیٹھے تھے۔

کورنگی: پولیس اہلکار دہشت گرد حملے میں شدید زخمی

کراچی کے علاقے کورنگی میں گھر سے ڈیوٹی پر تھانے جاتے ہوئے ایک پولیس اہلکار دہشت گردوں کے مسلح حملے میں شدید زخمی ہوگیا۔

پولیس اہلکار ان کے قریب پہنچے تو ملزمان نے ان پر فائرنگ کر دی، جس سے ایک اہلکار ارسلان زخمی ہو گیا۔

پولیس نے بھی جوابی فائرنگ کی لیکن ملزمان کار سمیت فرار ہونے میں کامیاب ہو گئے۔

جائے وقوع سے گولیوں کے 19 خول ملے ہیں جبکہ ملزمان ایک رومال، چشمہ اور آئل پرفیوم کی ایک بوتل چھوڑ کر فرار ہو گئے ہیں۔

زخمی اہلکار کو عباسی شہید اسپتال میں طبی امداد دی جا رہی ہے۔