آپ آف لائن ہیں
ہفتہ13؍ربیع الاوّل 1442ھ31؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ماڈل مشک کلیم کا وزن کم کرنے کیلئے منشیات کے استعمال کا انکشاف

عالمی دنیا میں پاکستان کا نام روشن کرنے والی پاکستان کی ٹاپ ماڈل مشک کلیم نے مختلف ذہنی مسائل کا شکار رہنے کا انکشاف کیا ہے، ماڈل کا کہنا ہے کہ وہ طویل مدت وزن بڑھ جانے یا بدصورت ہوجانے کے خوف میں مبتلا رہیں۔

ماڈل کا کہنا ہے کہ مختلف ذہنی بیماریوں سے نبردآزما رہنے کے بعد وزن حد سے زیادہ بڑھ چکا تھا تب انہوں نے خود کو بھوکا رکھا، کھانا پینا بالکل کم کر دیا اور منشیات کا بے دریغ استعمال کیا۔

ٹاپ ماڈل نے سوشل میڈیا سائٹ انسٹاگرام پر ایک طویل پوسٹ شیئر کی جس میں انہوں نے ذہنی دباؤ میں رہنے اور اس سے چھٹکارا پانے کے حوالے سے انکشافات کئے۔

ماڈل نے ’ذہنی صحت کے عالمی دن‘ کے موقع پر ایک ماڈلنگ کے کیرئیر اور اس میں کامیابیاں سمیٹنے کے حوالے سے بات چیت کی اور بتایا کہ یہ کامیابیاں اور شہرت حاصل کرنے میں انہیں کیا مشکلات درپیش رہیں۔

View this post on Instagram

- National Mental Health Day: 10th October.️ 2019, was probably the most rewarding year of my career, but when I look back and think about all that I went through last year, I realise that my mental health had completely taken a back seat. I was a model, adapting to fame, success and accolades. Of course, everyone thought I was okay, living the dream. I knew then, that to complain about anything would be unthankful. I was hospitalised on my 25th birthday last year. I was almost 48 kilos and I was suffering from severe body dysmorphia. I would spend hours obsessing over my weight, about losing those few inches on my waist, about getting those perfect hips, or about just looking the part. I had started starving myself, not eating for 24 hours and more, I was abusing drugs, I was unhealthy. I was a 6ft girl suffering from severe anorexia. I would occasionally blackout. I needed help. I think it had less to do with my field of work and more to do with how I was okay with being so self-destructive. I was comfortable with being unhappy. But this is a happy story, I promise. Now a year later, I’m a happier person. I’ve been clean for more than a year. I have found support and happiness in my family, friends, and my pets. I have set boundaries that I never let people cross. I decided that I could still be beautiful, no matter what number the weighing scale would say. I took therapy. I put myself first. I tackled my issues head on, and at first it was scary and it aggravated my anxiety, but I’ve grown, and I’ve healed. It’s still an ongoing process of recovery that I’m on. But I’m glad I started somewhere. Our mental health impacts our thoughts, our actions and our lives. Here’s to taking care of our minds, our bodies, our souls. Happy National Mental Health day!️

A post shared by Mushk Kaleem (@mushkkaleem) on


انہوں نے لکھا کہ ممکنہ طور پر 2019  میرے کیریئر کا ایک اہم سال تھا لیکن جب میں پیچھے مڑ کر دیکھتی ہوں اور گزشتہ برس ہونے والے واقعات کے بارے میں سوچتی ہوں تو مجھے احساس ہوتا ہے کہ میری ذہنی صحت میرے کیرئیر پر بہت اثر انداز ہوئی ہے۔

انہوں نے لکھا کہ میں ایک ماڈل تھی جو شہرت، کامیابی اور تعریفیں سمیٹنے میں کامیاب رہی سب نے سوچا کہ میں ٹھیک ہوں، اپنی زندگی میں خوش اور مطمئن ہوں تب مجھے معلوم ہوا کہ کسی بھی چیز کے بارے میں شکایت کرنا ناشکری ہوگی۔

ماڈل نے بتایا کہ گزشتہ سال اپنی 25 ویں سالگرہ کے موقع پر وہ ’ڈسمورفوبیا‘ کے باعث اسپتال داخل ہوئی تھیں، علاج کی غرض سے اسپتال میں داخل ہوئیں تو ان کی عمر 25 سال، قد 6 فٹ جبکہ وزن 48 کلو گرام تھا اور وہ اس خوف میں مبتلا تھیں کہ ان کا وزن حد سے زیادہ بڑھ چکا ہے تب انہوں نے خود کو بھوکا رکھا کھانا پینا بالکل کم کر دیا منشیات کا بے دریخ استعمال کیا۔

ڈسمورفوبیا کے ساتھ ساتھ مشک کلیم ’انوریکسیا‘ کا شکار بھی رہی ہیں، جو دراصل کھانے کی بدنظمی اور اپنے جسمانی خدوخال و وزن سے متعلق پیدا ہونے والی تشویش سے متعلق ذہنی بیماری ہے۔

مشک کلیم کے مطابق بطور ماڈل انہوں نے شہرت حاصل کرنے کے لیے اپنی صحت کا بھی خیال رکھا اور اس وقت وہ جس ذہنی خوف میں مبتلا تھیں وہ کسی حد تک ٹھیک بھی تھا۔

ماڈل نے کہا کہ ان کے اہل خانہ، دوستوں اور ان کے پالتو جانوروں نے انہیں ذہنی خوف سے نکلنے میں مدد فراہم کی اور اب انہیں وزن بڑھ جانے یا بدصورت ہوجانے کا کوئی خوف نہیں۔

ذہنی دباؤ سے چھٹکارا پانے والی مشک کلیم نے مداحوں کو بھی مشورہ دیا کہ وہ خوش رہنے کی کوشش کریں اور اپنی ذہنی صحت کا خیال رکھیں۔ ہماری ذہنی صحت ہمارے افکار، ہمارے عمل اور ہماری زندگی کو متاثر کرتی ہے۔

انٹرٹینمنٹ سے مزید