آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دیہی معیشت کی ترقی میں خواتین کا کردار قابل ستائش ہے، عثمان بزدار

وزیراعلیٰ پنجاب سردار عثمان بزدار کا کہنا ہے کہ دیہی معیشت کی ترقی میں خواتین کا کردار قابل ستائش ہے۔

وزیراعلیٰ پنجاب عثمان بزدار نے دیہی خواتین کے حقوق کے تحفظ کے عالمی دن پر اپنے پیغام میں کہا کہ زرعی معیشت کو مضبوط بنانے میں دیہی خواتین کا کلیدی کردار ہے۔

عثمان بزدار نے کہا کہ دیہی خواتین گھر کے ساتھ کھیتوں میں مردوں کے شانہ بشانہ بھی کام کرتی ہیں، انہوں نے کہا کہ وہ زرعی پیداوار بڑھانے میں دیہی خواتین کے کردار کو سراہتے ہیں۔

انہوں نے کہا کہ حکومت دیہی خواتین کی ترقی اور ان کے حقوق کے تحفظ کے لیے سرگرم عمل ہے، پنجاب حکومت دیہی خواتین کے حقوق کے حوالے سے موثر پالیسی پر عمل پیرا ہے۔

وزیراعلیٰ پنجاب نے مزید کہا کہ دیہات میں بسنے والی خواتین قانونی، معاشی و معاشرتی سہولتوں سے محروم نہیں رہیں گی۔ 

قومی خبریں سے مزید