• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خاتون سمیت 2 افراد قتل، ٹریفک حادثات میں بھی دو جاں بحق

میرا شہر
اسلام آباد
17 اکتوبر ، 2020
اسلام آباد (خصوصی نامہ نگار) مختلف واقعات میں خاتون سمیت 4افراد جان کی بازی ہار گئے۔کشمیرہائی وے سے نانتھ ایونیو کی طرف جاتے ہوئے تیز رفتار جیپ کی ٹکر سے موٹر سائیکل سوار ائر فورس کا ملازم آصف ندیم موقع پرجاں بحق ہو گیا ۔ جیپ ایک خاتون چلا رہی تھی جو موقع سے فرار ہو گئی ۔ تھانہ کلر سیداں کے علاقے محلہ عادل آباد میں سابق خاوند نے طلاق لینے والی بیوی فاطمہ دختر جلاوت خان کو اپنے تین ساتھیوںکے ہمراہ گولیاں مار کر قتل کر دیا، پولیس نے نذر گل ، چنار گل ، شاہد گل ،فضل بی بی اورریدو گل کے خلاف مقدمہ درج کر لیا ۔ تھانہ کلر سیداں کے علاقہ عادل آباد کے شادی ہال میںرضوان پرویز نامی نوجوان کو سر اور گردن میںگولیاںمار کر قتل کر دیا گیا ۔پولیس نے مقتول کے بھائی مرزا ناصر کی رپورٹ پر عبدالرحیم اور اس کی بیوی شازیہ بشارت پر قتل کی سازش تیار کرنے کا الزام لگا یا ۔ دریں اثناءکشمیر ہائی وے پر گاڑی کی ٹکر سے ڈیوٹی پر جانے والا ملازم جاںبحق ہو گیا۔ محمد طارق نے کراچی کمپنی پولیس کو بتایا کہ ارشد محمود میری کمپنی میں ملازمت کرتا تھا، پیدل ڈیوٹی پر آرہا تھا کہ نامعلوم گاڑی نے اسے ہٹ کیا جس سے وہ جاں بحق ہو گیا، پولیس نے مقدمہ درج کر لیا۔
تازہ ترین