لاہورکے علاقے گلبرگ میں شوہر نے مبینہ طور پر بیوی کو تشدد کرکے ہلاک کردیا۔ پولیس کے مطابق ملزم کا اپنی بیوی سے جھگڑا ہوا تھا جس سے وہ مشتعل ہو گیا ۔
پولیس کا کہنا ہے کہ گلبرگ کی رہائشی 25 سالہ بدر النسا کا اپنے شوہر انیس کے ساتھ اکثر جھگڑا رہتا تھا ۔
بدرالنسا کے والد نے پولیس کو بیان دیتے ہوئے بتایا کہ ملزم انیس نے ان کی بیٹی کے سر پر آہنی چیز سے وار کیا جس سے وہ ہلاک ہو گئی ۔ پولیس نے ملزم انیس کو گرفتار کر لیا ہے ۔ مقتولہ 2بچوں کی ماں تھی۔
ادھربلوچستان کے ضلع تربت سے ایک شخص کی لاش ملی ہے۔لیویز ذرائع کے مطابق لاش تربت کےعلاقے مند سے ملی ہے، جسے فائرنگ کرکےقتل کیاگیا ہے۔
لاش کی شناخت شکیل کے نام سے ہوئی، وہ سب تحصیل دشت کا رہائشی بتایا جاتا ہے، لاش مزید کارروائی کے لئے تربت اسپتال پہنچادی گئی ہے۔
فرمان الہی
نماز کے اوقات
