پاکستان کےبعد پاناما کے وزیز نے بھی وضاحت کردی ہے کہ واشنگٹن میں ان کی ملاقات پاکستان کے وزير خزانہ سے نہیں بلکہ سیکریٹری خزانہ سے ہوئی تھی۔
پاناما کے وزیر خزانہ ایوان زیرک نے سماجی ویب سائٹ پر اپنے پیغام میں اس بات کی وضاحت کی ہےکہ ان کی ملاقات پاکستان کے وزیر خزانہ اسحاق ڈار سے نہیں بلکہ سیکریٹری خزانہ سے ہوئی تھی۔
اس سے پہلے پاکستانی وزارت خزانہ بھی اس بات کی وضات کرچکی ہے کہ اسحاق ڈار کی پانامہ کے وزیر سےملاقات کی خبریں بےبنیاد ہیں، جب اسحاق ڈار واشنگٹن گئے ہی نہیں تو ملاقات کیسے ہوگئی۔
ترجمان وزارت خزانہ کا کہنا ہے کہ اسحاق ڈار نے اپنا دورہ واشنگٹن منسوخ کردیا تھا، وہ پاکستان میں ہی ہیں اور اپنے فرائض انجام دے رہے ہیں۔
سیکرٹری خزانہ ڈاکٹر وقار مسعود عالمی بینک اور آئی ایم ایف کے اجلاس میں پاکستان کی نمائندگی کررہے ہیں، غلط رپورٹنگ پر یہ معاملہ عالمی ادارے سی این این کے ساتھ بھی اٹھایا جارہا ہے۔
امریکا میں موجود سیکریٹری خزانہ وقار مسعود نے پانامہ کے وزیر سے رسمی اور سرراہ ملاقات کی تفصیل جیو نیوز کو بتائی۔
فرمان الہی
نماز کے اوقات
