عاطف اسلم مداحوں کیلئے کیا نیا لانے والے ہیں؟

پاکستان میوزک انڈسٹری کے نامور گلوکار عاطف اسلم نے طویل عرصے بعد سوشل میڈیا پر اپنی نئی تصویر پوسٹ کی ہے جسے دیکھ کر مداحوں کا کہنا ہے کہ گلوکار شاید اپنے انسٹاگرام اکاؤنٹ کا پاسورڈ بھول گئے تھے۔

سوشل میڈیا پر زیادہ متحرک نہ رہنے والے عالمی شہرت یافتہ گلوکار عاطف اسلم نے فوٹو اینڈ ویڈیو شیئرنگ ایپ انسٹاگرام پر اپنی نئی تصویر پوسٹ کی ہے جس میں گلوکار اسٹیج پر پرفارم کرتے نظر آرہے ہیں جبکہ عاطف اسلم کی تصویر بے رنگ یعنی ’بلیک اینڈ وائٹ‘ ہے۔

عاطف اسلم نے اپنی تصویر کو کسی قسم کا کوئی کیپشن نہیں دیا لیکن اس کے باوجود بھی اُن کے مداحوں کی جانب سے گلوکار کی تصویر پر تبصروں کا سلسلہ جاری ہے۔

عاطف اسلم کاکمسن بیٹا گٹار بجانے لگا

عالمی شہرت یافتہ گلوکار عاطف اسلم کی اپنے چھوٹے بیٹے کے ساتھ گٹار بجانے کی ویڈیو سوشل میڈیا پر وائرل ہوگئی ہے۔

سائرہ خان نامی صارف نے گلوکار کی تصویر پر سب سے پہلے کمنٹ کرتے ہوئے اُن سے سوال کیا کہ ’کیا آپ اپنا انسٹا پاسورڈ بھول گئے ہیں یا جان بوجھ کر ہمیں انتظار کرنے پر مجبور کیا ہے؟‘

صارف کے سوال کا جواب دیتے ہوئے عاطف اسلم نے قہقہے والے ایموجی کے ساتھ لکھا کہ ’میں آپ سب کے لیے کسی نئے پراجیکٹ پر کام کر رہا تھا۔‘

ایک صارف نے عاطف اسلم سے مخاطب ہوتے ہوئے لکھا کہ ’مجھے معلوم ہے کہ آپ ہمارے کمنٹس پڑھے رہے ہیں۔‘

صارف کے کمنٹ کے جواب میں عاطف اسلم نے لکھا کہ ’جی ہاں آپ نے بالکل ٹھیک کہا۔‘

گلوکار نے انسٹاگرام پر آخری پوسٹ رواں سال ’حج‘ کے موقع پر کی تھی اور اُس کے بعد اُنہوں نے گزشتہ رات ہی اپنی تصویر پوسٹ کی ہے جسے اب تک تین لاکھ 20 ہزار سے زائد صارفین لائک کرچکے ہیں۔

عاطف اسلم اور سارہ کے گھر دوسرے بچے کی پیدائش

پاکستان کے معروف گلوکار عاطف اسلم اور اُن کی اہلیہ...

واضح رہے کہ عاطف اسلم 2013 میں سارہ بھروانہ کے ساتھ رشتۂ ازدواج میں منسلک ہوئے تھے اور اِس جوڑی کے دو بیٹے ہیں، عاطف اسلم کے پہلے بیٹے کی پیدائش 2014 میں ہوئی تھی جبکہ اُن کے دوسرے بیٹے کی پیدائش گزشتہ سال ہوئی تھی۔